KAILAN

KAILAN

Kailan mo nga ba mapapansin

Ang aking damdaming matagal nang nililihim

Ikaw ang iniisip sa bawat gabing madilim

At lagi kong tanong, kailan mo nga ba papansinin?

Sa bawat oras ng aking pag-iisa

Ikaw ang hanap-hanap ko sa tuwina

Panalangin kong ikaw ay makasama

O Kailan mo nga ba papansinin ang aking pagsinta?

Hindi pa rin tumitigil na sayo'y umasa

Kahit sa tingin ko'y wala na ring saysay pa

Maghihintay pa rin ako hanggang mayroong umaga

Papatunayan ko na talagang mahal kita.

Kailan mo nga ba papansinin?

Ang puso kong tanging ikaw ang panalangin

Hangad ko lang naman ay ang iyong pagtingin 

O kailan mo nga ba ako mamahalin?